BLÓMANÍ Snjallabjallu arbeiða vit eftir menningarætlanum. Við íblástri frá Dannelses blómuni hjá Bent Madsen, brúka vit eina blómu sum eftirmetingaramboð fyri námsfrøðiligari praksis. Tað gera vit á tann hátt, at vit gera eina blómu við seks bløðum. Í miðjuni seta vit eina mynd, ið vísir t.d ein aktivitet, túr ella eitthvørt børnini eru hugtikin av og bløðini eru so tey seks menningarøkini. Tá blóman er liðug, síggja vit, um øll umráðini eru rokkin. Tað verður soleiðis, at tað verða 4 stórar blómur hongdar upp um árið, har starvsfólk fara saman og í felag fylla bløðini út.
Persónligir førleikar: Sjálvsvirðing, sjálvsálit, sjálvskensla, seta mørk fyri sær sjálvum og øðrum, samanspæl, duga at síggja samanhang, sjálvhjálpni, skapanarevni
Sosialir førleikar: Samskifti, innlivan, tvístøður, spælireglur, vinir, samstarv, umsorgan, taka initiativ, siga frá Málslig menning: Talumál, Kropsmál, úttala, andlitsbrøgd, Skilja hugtøk, seta orð á kenslur, seta orð á tað tú sær, at føra eina samtalu Náttúrutilvitan: Árstíðir, djór, plantur, veðrið, sjógvur og vatn, umhvørvið Kroppur og rørsla: grovrørslur, fínrørslur, kenna kroppin, sansir, kostur Mentan og virðir: Føroysk mentan, onnur mentan, staðbundin mentan, sangir- rím og skjaldur, dans, sjónleik, tekna og mála, søgur og sagnir |
Veist tú hví tað er týdningarmikið at børn spæla í Snjallubjallu? Tí: Í spæli mennir barnið hugflog og hugsan. Børn spæla fyri at spæla, ikki fyri at læra nakað ávíst. Men í spælinum læra tey at skapa søgur saman og at handfara ymiskleikar og ósemjur. Veist tú hví tað er týdningarmikið at børn luttaka í felags aktivitetum í Snjallubjallu? Tí: Børn mennast og læra saman við øðrum børnum og vaksnum. Vinarbond eru týdningarmikil. Sosialur felagsskapur og samtala gevur børnum royndir í demokratiskum mannagongdum og í at loysa ósemjur. Veist tú hví tað er týdningarmikið at lesa hart, syngja og fortelja søgur í Snjallubjallu? Tí: Tað styrkir málsligu menningina hjá børnum. Børn læra at brúka málið til at greiða frá kenslum, hugsanum og tørvi og eisini at samskifta við onnur. Veist tú hví tað týdningarmikið at børn hoppa og dansa í Snjallubjallu? Tí: Barnið lærir verðina at kenna við at brúka sín kropp og sínar sansir. Motoriskt hegni styðjar sjálvsálitið, koncentrationsevnið og kropsligu vælveruna. Veist tú hví tað er týdningarmikið at vit í Snjallubjallu fara túrar út í náttúruna? Tí: Náttúran bjóðar kroppi og kenslum av. At vera úti í náttúruni styrkir forvitni hjá børnunum og lærir børnini at taka ábyrgd fyri umhvørvinum. Veist tú hví tað er týdningarmikið at børn tekna og mála í Snjallubjallu? Tí: Soleiðis kunnu børn greiða frá tankum, kenslum og seta spor í heiminum. At uppliva list og mentan gevur børnum íblástur til at menna teirra skapanarhug og evni til sjálvi at skapa nakað nýtt. |
