kunning


  • Snjallabjalla hevur opið frá kl. 11.00 til kl. 17.00
​
  • Vit húsast í trimum støðum. Á Skúlavegi 1, í Garðalisu og í Skákinum. 
 
  • Vit eru 20 starvsfólk
 
  • Frídagar: Umframt sunnu- og halgidagar eru at rokna sum serstakir frídagar: Jólaaftan, nýggjársaftan, flaggdagur, ólavsøkudagur, páskaaftan, hvítusunnuaftan, grundlógardagur og ólavsøkuaftan. Vit hava stongt, tá skúlin hevur stongt, tó ikki í heystfrítíðiniog ein part av summarfrítíðini. Tá hava vit opið frá klokkan 8 til klokkan 15. 

  • Tað kostar kr. 1099,- um mánaðan at ganga í Snjallubjallu. Juli og August eru gjaldsfríir.
​
  • Børnini fáa millummála kl. 14 og er tað við í kostnaðinum

  • Seðlar til stovnsgjald fáa tit frá okkum og verður tað avgreitt ígjøgnum GS-skipanina hjá Klaksvíkar Kommunu. 

  • Tað er ikki lov at brúka fartelefon í Snjallubjallu. Um børnini hava ur, so skal tað eisini vera í taskuni og ikki kunna brúkast fyrr enn brnini fara heim.
 
  • Børnini kunnu lána telefonina hjá okkum til at ringja heim, um tey hava gloymt matpakkan, gloymt svimjiklæðir/ítrottarklæðir, eru illa fyri ella kedd, og annað átrokandi.
 
  • Spæliavtalur skulu gerast áðrenn ella aftaná børnini koma her, og mugu tit kunna okkum um tað. Tað er ikki nokk, at barnið sigur við ein vaksnan, at tað skal heim við einum øðrum barnið. Ringið ella sendið eini boð.

  • Vinarligast sigið frá, um barn tykkara ikki kemur í Snjallabjallu. Hetta kann gerast við at senda eini boð á tlf.nr: 258358 (sivarin), tlf. nr: 258455 (Skákið). Um barn tykkara ikki er komið í Snjallubjallu, og vit onki hava hoyrt frá tykkum, senda vit eini boð.
 
  • Sigið okkum eisini frá, um barnið skal ganga heim ella annað tílíkt.
 
  • Um tit ynskja at gera fasta avtalu, t.d at barnið kann ganga heim úr Snjallabjallu aleina, ella tá hon/hann hevur hug, ber til at gera avtalu við okkum um tað, men vilja vit hava tað skriftligt. Leiðarin, Beinta Klakkstein, er at hitta á tlf.nr.: 218878.
 
  • Børnini eru vælkomin at hava borðspøl, leikur og filmar við í Snjallabjallu, men skal aldursmarkið ikki fara upp um 7 ár.
 
  •  Vinarligast hyggið á plássi hjá barnið tykkara av og á, fyri at vita, um alt er sum tað skal, t.d at skiftiklæðir o.a er. Børnini í 1. flokki, hava sítt fasta pláss, meðan 2. fl hevur sítt øki, tey kunnu hanga tasku og klæðir á.
 
  • Tá vit rulliskoyta, eru á rullubretti, rullifjøl ella súkkla í Snjallabjallu (vit eiga nøkur pør av rulliskoytum, rullubrettum, rullufjølum og hjólum at seta á skógvarnar), nýta vit altíð hjálm. Hevur barnið súkklu ella rulliskoytur við heimanífrá, skulu børnini eisini hava hjálm við.
 
  • Tá børnini skulu til ymisk frítíðarítriv, minna vit tey á at fara, men vit átaka okkum ikki ábyrgdina av, um tey ikki vilja/tíma.
 
  • Vit svimja javnan við børnunum. Tá títt barn skal svimja, fáa tit eitt sms. Hetta er ókeypis, vit bjóða.                                                                                                                                                     
  • Øll børn í Snjallabjallu hava ein kontaktpersón og hongur tað skjalið uppi. Einaferð um árið er trivnaðarfundur fyri børnini í 1. flokki, har barnið, saman við foreldrunum/avvarandi, kontaktpersóninum og einum øðrum starvsfólki, hava ein fund um, hvussu barnið trívist. Um tað er eitthvørt við tykkara barnið, tit ynskja at tosa um, eru tit altíð vælkomin at seta tykkum í samband við kontaktpersónin.
 
  • Um tað er nakað tit eru ónøgd við ella undrast á, vinarliga sig frá á rætta stað, soleiðis vit kunnu gera nakað við tað.
 
  • Um tit ynskja at melda barnið úr, skal hetta gerðast skrivliga á e-mail: snjallabjalla@klaksvik.fo. Tað er ein mánaði uppsøknarfreist og tað er til 15. Ella 1. í hvørjum mánað. Tá børnini eru liðug í 2. flokki er ikki neyðugt at melda úr; tey detta automatiskt út úr skipanini tá.​
​

Navn til Frítíðarskúlan

 - Uppskot frá arbeiðsbólkinum 

Arbeiðsbólkurin fyri Frítíðarskúlan hevur funnið fram til eitt navn úr Føroysku Floruni, sum vit halda hóskar væl til Frítíðarskúlan. 

  • Vakurt á skrivt 
  • Orginalt 
  • Stuttligt at siga – bæði hjá børnum og vaksnum
  • Tað rímar snjalla-bjalla 
  • Snjallabjalla er løtt at finna í bø og haga 
  • Er vøkur